Euskaltzaindiak ez du arau orokor espliziturik eman <izena + egin> egiturako aditzen forma arazleaz. Praktikan, ordea, biei zabaldu die atea: esate baterako, [EH:hitz], [EH:negar] eta [EH:huts] sarreretan, bi azpisarrerak daude: hitz eragin eta hitz eginarazi, negar eragin eta negar eginarazi, huts eragin eta huts eginarazi.

Salbuespenak, baliokidetasunari dagokionez, hauek dira: barre eragin (barre eginarazi ez erabiltzeko gomendioa eman du Euskaltzaindiak [EH:barre]), eta bultza eragin (baliokidea ez da bultza eginarazi baizik eta bultza egin), lo eragin (baliokidea da lo harrarazi) eta zirrara eragin (baliokidea da hunkitu).

Horrez gainera, ikus hau ere: "Aditzaren jokabidea: eragin, -arazi " (JAGONET).