Esaldi zuzen eta egokia hau da: Zenbaitek ez deritzo bidezko droga legeztatzeari. Bestalde, Zenbaitek droga legeztatzeari ez-bidezko deritzo esaldia gramatikalki zuzena da, baina ez da egokiena.

Bidezko adjektibotik ez-bidezko adjektiboa atera daiteke, ez partikula jarriz eta marratxoz lotuz. Modu horretakoak dira Euskaltzaindiaren Hiztegiko adibide hauek: Zortzi herritan egin nituen zortzi misio ez-laburrak. Afari ez-txarra eta ohe garbia. Huts bat handia eta kalte bat ez-txikia guretzat. Esku ez-garbiekin. Agerian jarri du gorputz ez-liraina. Badira zenbait ez-euskaldun, horrelakorik aditu nahi ez dutenak.