Testuingurutik kanpo zaila da esatea zuzena ala okerra den. Zer esan nahi dugun, eta beraz nola osatzen dugun esaldia, horren arabera ondo edo gaizki egongo da bakegintzan. Zuzen erabilita dago (ZERTAN galderari erantzunda), esaterako, adibide hauetan: Bakegintzan emandako pausoekin oso pozik eta gustura nago. Bakegintzan berandu gabiltza; duela lau urte adostu behar genituen oinarriak.

Baina, arestian esan bezala, esaldia nola eratu nahi den, beste modu batzuetara ere moldatu ezinik ez dago; adibidez, bakea eginez edo bakea egiten erabiliz: Bakea egiten emandako pausoak. Bakea eginez dihardugu.