JAGONET galde-erantzunak

Lexikoa: hil eta hilabete

Elkarren sinonimoak al dira biak?

Aski da Euskaltzaindiaren Hiztegiko [EH:hil] eta [EH:hilabete] sarrerak aztertzea. Izan litezke sinonimoak; hala ere, bi erabilera bereizten dira Euskal Herrian:

a) Hiztun batzuek ez dute hilabete baizik erabiltzen (Iparraldean, adibidez).

b) Beste batzuek desberdindu egiten dituzte: hil (urtea banatzen den hamabi zatietako bakoitza: hilen izenak, neguko hiletan, maiatzeko hila...) eta hilabete (denbora hedaduratzat harturik, 30 eguneko-edo denbora-bitartea: hilabetean egon naiz Grezian = hilabete osoan).

Ikus hau ere: "Denbora adieraztea: ordubete, astebete, urtebete (*ordubete bat / *hiru astebete / *hiru urtebete)" (JAGONET).

 

Informazio gehigarria:

Zalantza-mota: lexikoa > orokorra

Unitate-mota: hitzak > izenak

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper