Euskal Gramatika. Lehen Urratsak V, 449. or. liburukian esaten da honako hauek direla ondoriozko perpausak adierazteko erabiltzen diren lokailu eta menderagailuak: hain... non... bait-/-en eta hain... ezen... bait-/-en.

-(e)la atzizkiaz, ostera, hauxe esaten da Euskal Gramatika. Lehen Urratsak V, 450. or.: "-(e)la atzizkiak ez du lekurik perpaus kontsekutiboetan (...) Esamolde hauek, Hegoaldean eguneroko hizkeran oso hedatuak badaude ere, ez dute tradiziorik eta ez dira gomendagarriak. -(e)la atzizkiak ez du euskal tradizioan inoiz balio hori izan".

Horrez gain, ikus hauek ere: "Ondorioa adieraztea: hain… bait-… (hain da handia, ez baita atetik sartzen)" (JAGONET), "Ondorioa adieraztea: hain (hain handiak ditu eskuak, ez zaizkio patriketan sartzen)" (JAGONET).