Egia da espero izan aditza aditz-izenarekin erabiltzen dela normalean, eta zuzena da ematen den adibidea: Zu etortzea espero dut / Espero dut zu etortzea.

Nolanahi ere, ez da molde bakarra; izan ere, -ela perpaus osagarri bat lagun duela ere eman daiteke aipatu aditza: Etorriko zarela espero dut / Espero dut etorriko zarela.

Beraz, bi konplementazioak —aditz-izena eta –(e)la— erabil daitezke espero izan aditzaren osagarri gisa.

Erregimen berbera dute beste aditz batzuek ere; esaterako, aginduk: Jaialdira joatea agindu nion. Jaialdira joango nintzela agindu nion.