Biak dira zuzenak, Euskaltzaindiaren Hiztegian ikus daitekeen bezala [EH:gozo], [EH:goxo]. Aldea honetan dago: gozo balio neutroko forma da, eta goxok balio adierazkorra du; alegia, goxok hiztunaren egoeraren, sentimenduaren, ñabarduraren, balioespenaren ukitua darama. Hiztunak erabakitzen du ―testuinguruaren arabera― hitzari balio adierazkorra eman nahi dion ala ez. Ez da zuzentasun-kontua, egokitasun-kontua baizik:

Eztia bezain gozoa / Eztia bezain goxoa.

Pastela gozoegia zegoen / Pastela oso goxoa zegoen.

Judasen musua / Semetxoaren muxua.

Nora hoa zentimo batekin / Nora hoa xentimo batekin

Gizon bat agertu zen / Gixon bat agertu zen.