Hirurak erabili izan dira erdarazko ‘federación/fédération’ hitzaren euskal ordain modura. Nolanahi ere, Euskaltzaindiaren Hiztegian, [EH:federazio] hitza soilik ageri da. Beraz, ulertu beharko da aukera hori lehenesten duela.

Euskaltzaindiaren 38. arauak (‘Munduko estatuak’), 2019an berritua izan denak ere, federakunde/federazio bitasunaren ordez, federazio bakarrik erabiltzea hobetsia du (Errusiako Federazioa, adibidez), edo konfederazio hobetsi da konfederakunde aldaeraren ordez (Suitzako Konfederazioa, esaterako).