Bai. Zenbait aditzek (eman, jo, eduki hartu) -tzat eskatzen dute gehienbat: Hau guztia gezurtzat ematen dut. Txartzat jo zuten hura. Menditarra ezjakintzat, ergeltzat daukate. Alabatzat hartu zuen.

Beste batzuekin (eta goiko horietako batzuekin), mugagabe soilean ere egin daiteke predikatu-osagarria: adibidetzat jarri edo adibide jarri, abiapuntutzat hartu edo abiapuntu hartu. Opari/oparitzat liburu bana eman nien. Galderako adibideen kasua da hori: eredu/eredutzat hartu, oinarri/oinarritzat hartu Morfosintaxiaren inguruko zalantzak eta argibideak (EIMA), 188. or..

Beste batzuek ez dute onartzen, predikazioa subjektuari dagokionean hain zuzen: *neskametzat joan zen, *alkatetzat zegoen.