a) Mesedez, eman Olañeta zurito bat esatea da egokia (Olañeta (markako) zuritoa, alegia). <Izen berezia + izen arrunta> egitura dago hor: Olañeta + zurito (Ebro ibaia, Berria egunkaria… elkarketetan bezala).

Bestalde, zuritoa ala zurito bat aukeratzeko orduan, biak dira zuzenak. Aldea enfasian dago: zer? > zuritoa; zenbat? > zurito bat. Testuinguruak aginduko du gehienetan.

b) Kasu honetan bi izen arrunt ditugu, neurri-izena eta gaia, eta bi hurrenkeretan erabiltzen dira. Nolanahi ere, estilo-liburu gehienak <zenbatzailea + neurri-izena + gaia> hurrenkeraren alde daude: Jarri txupito bat kafe-likore eta txupito bi patxaran (= bi txupito patxaran) moldeak hobesten dituzte.

c) Lehenengoaren moldeko aposizioa denez, honela: Mesedez, eman Lucky pakete bat (= Lucky (markako) (tabako-)pakete bat)