Jarraibide orokor batzuk jasota daude Euskara Batuaren Eskuliburuan "-ko eta -zko" (EBE), nahiz arazo korapilatsua den eta sistematizatu gabea oraindik. Nolanahi ere, argi dago galderako bi moduak zuzenak direla (eta horrelako zenbait biko badirela: dudako/dudazko, konfiantzako/konfiantzazko…), eta argi dago adjektibo bat erantsiko bagenu ez litzatekeela zalantzarik egongo, molde jakina baita beti: kalitate oneko haragia.