JAGONET galde-erantzunak

Aditzaren jokabidea: aditzoina/partizipioa (buru/burutu ezazu, areago/areagotu ezazu)

Aditzoin gisa erabil al daitezke burutu (burutu ezazu), areagotu (areagotu ezazu), landu (landu ezazu)?

Bai. 28. arauan esaten denaren arabera, <izen, adjektibo eta adberbio + -tu> formako aditzetan, -tu partizipioaren forma ere onartzen da aditzointzat; beraz, galderako adibideak zuzenak dira.

Euskaltzaindiaren Hiztegiko aditz bakoitzaren sarreran dator adierazita berariaz bikoiztasun hori, hala badagokio. Ikus, esaterako, galderan adierazitakoak: [EH:burutu] buru/burutu, [EH:areagotu] areago/areagotu, [EH:landu] lant/landu.

Horrez gain, ikus hau ere: "Lexikoa: aditzoina (lagun/lagundu, ekar, neur, zorrotz/zorroztu)" (JAGONET).

 

Informazio gehigarria:

Zalantza-mota: morfologia > aditz-jokoa, sintaxia > aditza

Unitate-mota: hitzak-aditzak > aditzoina, hitzak-aditzak > partizipioa

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper