JAGONET galde-erantzunak

Aditzaren jokabidea: al + ahalera (sartu al naiteke? / sar al naiteke?)

Zuzena al da Sar al naiteke? galdetzea, ala Sartu al naiteke? galdetu behar da?

Euskara batuko erabileran, biak dira zilegi: Sar naiteke? eta Sartu naiteke? [://www.euskaltzaindia.eus/index.php?option=com_euskaltzaindiarenarauak&view=frontpage&Itemid=424&lang=eu&arauaId=28" class="jagonet-araua">28. araua]. Baina euskara estandarraren egungo erabileran zabalduena, zalantzarik gabe, -tu gabekoa da: sar naiteke.

Al partikulari dagokionez, egia da ahalerazko aditzetan -tu forma erabiltzen den hizkeretan erabiltzen dela al, eta hori horrela izanik, egokiago ezkontzen dira -tu eta al. Beraz, alde horretatik, egokiagoa da Sartu al naiteke? galdetzea Sar al naiteke? galdetzea baino (nahiz ezin okertzat eman daitekeen azken hori).

Horrez gainera, ikus hauek ere:"Aditzaren jokabidea: aditzoina eta subjuntiboa (har ezazu / hartu ezazu)" (JAGONET), "Aditzaren jokabidea: aditzoina/partizipioa eta subjuntiboa/ahalera/agintera (ibil naiteke / ibili naiteke)" (JAGONET), "Aditzaren jokabidea: aditzoina/partizipioa (buru/burutu ezazu, areago/areagotu ezazu)" (JAGONET), "Lexikoa: aditzoina (lagun/lagundu, ekar, neur, zorrotz/zorroztu)" (JAGONET).

 

Informazio gehigarria:

Zalantza-mota: morfologia > aditz-jokoa, sintaxia > aditza

Unitate-mota: hitzak-aditzak > aditzoina, hitzak-aditzak > partizipioa

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
© 2015 Your Company. All Rights Reserved. Designed By JoomShaper