a) Euskaltzaindiak ez du ezer arautu ez gomendatu kontu horren gainean. Hala ere, badirudi perpaus biak direla zuzenak, zer esan nahi den. Lehenak adieraziko luke iraganean Realak hogeigarren minutuan gola sartzea behin baino gehiagotan gertatu zela (sartzen zuen), behin eta berriro errepikatzen zen gertaera zela. Bigarren perpausak, ostera, hogeigarren minutuan gola sartzea iraganean behin gertatu zela ematen du aditzera (sartu zuen). Futbolean horrelako gertaerak errepikatzea zein zaila den kontuan izanik, normalena, jakina, bigarren perpausa izango litzateke.

b) Etorkizuneko kontuez ari garela, sarri entzuten ditugu, azken urteotan honelakoak: *Gauean, zinemara joaten gara? Baztertzeko moldea da; hau da zuzena: Gauean, zinemara joango gara?

c) Zergatik ez zoaz salto batean dendara…? moduko erabilerek badute presentzia literatura-tradizioan.