Propio arautu gabeko kontua da hori; baina [OEH:eduki] sarreran esaten denez, aditz laguntzaile gisa izan ezik, izan/ukan erabiltzen diren testuinguru guztietan erabili da eduki literaturan, batez ere bizkaierazko testuetan. Ohar hau ere egiten du Euskaltzaindiak [EH:eduki]: “Oharra: aitaren antza zuen, hogei urte zituen edo egun ederra izan dugu bezalakoen lekuan, Hegoaldean, batez ere gaur egun, eduki aditza erabiltzeko joera dago: aitaren antza zeukan, hogei urte zeuzkan edo egun ederra eduki dugu”.

Horrez gainera, ikus hauek ere: "Aditzaren jokabidea: dut, daukat" (JAGONET), "Esapideak: gose (gose izan, goseak egon / gosea eduki)" (JAGONET), "Aditzaren jokabidea: arrazoi izan/eduki (arrazoia/arrazoi duzu; ez duzu arrazoia/arrazoirik)" (JAGONET).