Konplementazioari dagokionez, tradizioko ohiturak ezberdinak dira, eta, batasunerako ezer hobetsi ez bada ere, tradizioko erabilera nagusia hau da:

a) hobe izan + partizipioa (subjektu erreferentziakideekin; subjektu bera bi aditzetan, alegia). Adibidez: Hobe dugu isildu, lotsagarri gelditu baino.

b) hobe izan + -tzea (inpertsonalean). Adibidez: Hobe da ez izatea, gaizki izatea baino.

c) hobe izan + -tzen ez dago adibiderik; ez da horrelakorik erabiltzen.

Ikus hau ere: "Aditzaren jokabidea: hobe izan (hobe da gelditu/gelditzea)" (JAGONET).