Jagonet
JAGONET galde-erantzunak
Denbora adieraztea: denean/dadinean, duenean/dezanean (etor dadinean, egin dezanean)
Zuzena al da Patxi etor dadinean jai handia egingo dugu erabiltzea etorkizunari begirako denborazkoa egiteko?
Euskal Gramatika. Lehen Urratsak II, 376. or., Euskal Gramatika. Lehen Urratsak II, 423. or. eta Euskal Gramatika. Lehen Urratsak VI, 80. or., Euskal Gramatika. Lehen Urratsak VI, 127. or. liburukietan jasoak daude era horretako adizkiak.
Orotariko Euskal Hiztegiko corpusean ere oso ugariak dira etor dadinean/nadinean, egin dezanean gisako adizkiak; ez bakarrik literatura zaharrean (Leizarraga, Axular...), baita autore berriagoetan ere (Orixe, Mitxelena, Etxaide...), baina gaur egungo euskaldunek, maila jasoan (eta batez ere literaturan) ez bada, nahiago dituzte *edin eta *ezan gabeko formulazioak.
Galderan aipatzen den adibidea egokia da bere horretan etorkizunari begira, perpaus nagusiak ematen baitio geroko balioa horrelako esaldiari. Horren baliokideak dira gaur egungo euskaldunek sarri erabiltzen dituzten esaldi hauek: Patxi etortzen denean jai handia egingo dugu / Patxi datorrenean jai handia egingo dugu.
Ikus hauek ere: "Baldintza adieraztea: gertagarria (erosten badu / eros badeza, joaten banaiz / joan banadi)" (JAGONET), "Denbora adieraztea: -nean (etorriko denean, egingo duenean)" (JAGONET).
Data: 2020-05-14
Informazio gehigarria:
Zalantza-mota: morfologia > aditz-jokoa, sintaxia > aditza, sintaxia > perpausak
Unitate-mota: hitzak-aditzak > adizki jokatuak, hitzak > menderagailuak, perpausa > denbora
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
