... egingo dudala! Zalantzan jartzen duk, ala? esaldiko hutsunean, horixe edo jakina ipini behar da, eta hor noski erabiltzea tradizioaren kontrakoa da.

Asmatuko ote dugu? galderari, Bai, noski edo Ez, noski erantzun behar zaio, arestian azaldutako arrazoi beragatik. Horrexegatik dakar Euskaltzaindiaren Hiztegiak ohar hau [EH:noski]: “noski baietz! eta kideko esapideen lekuan, Euskaltzaindiak bai, noski! eta kidekoak erabiltzea gomendatzen du”.

Gramatikaren ikuspegitik, gertatzen dena da noski hitzak ez duela osagarririk hartu orain arteko tradizioan; ez -(e)la osagarririk, ez baietz edo ezetz modukorik. Euskal Gramatika. Lehen Urratsak V, 61. or. liburukiak dioenez, noskik ez dauka gobernatzaile izateko gaitasunik; perpaus lokabeetan erabiltzen da.