Loteria-dezimoetako zenbakietan puntua jarri behar al da milakoaren ondoan? Ala, urteen kasuan bezala, ez da jarri behar?

a) Zelan eskatu zurito bat: Mesedez, eman zurito bat Olañeta / Mesedez, eman Olañeta zurito bat / Mesedez, eman Olañeta zuritoa.

b) Zelan eskatu txupitoak: Jarri txupito bat kafe-likore eta txupito bi patxaran / Jarri kafe-likore txupito bat eta patxaran txupito bi / bi patxaran txupito.

c) Zelan eskatu tabakoa: Mesedez, eman Lucky pakete bat / Eman pakete bat Lucky.

Nola esaten da euskaraz "de los 2 a los 18 años" / “de 2 à 18 ans”. Hauek zuzenak al dira?: 2 urtetik 18 urtera / 2 urtetatik 18 urtetara.

Nola esan behar da "9 es divisible por 3" / “9 est divisible par 3”. Esapide hauek egokiak al dira?

1. - 3 9ren zatitzailea da
2. - 9 hiruz zatigarria da

1,60 euro ekarri behar dute ala dituzte?

Euskaraz nola adierazten dira prezioak? Esaterako, produktu batek 22,60 € balio bad(it)u, nola esan/idatzi behar da: hogeita bi eta hirurogei ala hogeita bi hirurogei?

Neurri edo dimentsioekin ez ezik izenekin ere berdin jokatzen al da honako hauetan?:

1. Hamarretik bi etorri dira.
   Hamar ikasletatik/ikasletik bi etorri dira.
2. Hogeitik hamarrek salatu dituzte tratu txarrak.
   Hogei emakumetatik/emakumetik hamarrek salatu dituzte tratu txarrak.

Iragarkietan honelakoak entzuten ditut: (...) ogia 45 zentimoan; 40 euroan saldu…

Zergatik singularra, eta ez mugagabea: zentimotan, eurotan?

Iragarkietan honelakoak entzuten ditut: (...) kendu bainuontzia eta dutxa jar ezazu 8 orduan.

Zergatik singularra, eta ez mugagabea: ordutan?

Kasu-markarik hartzen al du <-(e)tik gora> esapideak? Zuzena al da, esaterako, esaldi hau: 1.000 ikasletik gorak parte hartu dute jardueran?