Zein da zuzena: sustrai eta guzti atera zuen arbola ala sustraiak eta guzti atera zuen arbola?

Zein da norbaiten edo zerbaiten izena galdetzeko esaldi zuzena?

Egokia al da honako sailkapen hau?:

Realak gaizki jokatu du; hobe esanda, Zaragozak ondo jokatu du. (oker)

Realak gaizki jokatu du; hobeto esanda, Zaragozak ondo jokatu du. (zuzen)

Eskolako ikasliburu batean, honako galdera hau agertzen da:

9. ________________ gorrotoa mantentzen dutenetakoa naiz

a) Heriotzaraino

b) Heriotzagandiko

c) Heriotzarainoko

Onartzen den erantzuna hirugarrena da: c). Zergatik dago gaizki a) erantzuna?

Beste zenbait ariketatan ere, eta beti toki horretan, hau da, izenlagunaren tokian, -ko duena izaten da hautatu behar dena, -rako, -rentzako, -rekiko, -rengatiko..., bertzeak txartzat jotzen baitira. Zer arrazoi dago -ko gabekoak gaitzesteko?

Nola behar du:

Barakaldoko nire laguna ala Nire Barakaldoko laguna?

Patxi nire lehengusuarekin ala Nire lehengusu Patxirekin?

Aitak auto berria erosi du (zuzen)

Aitak auto berri bat erosi du (oker)

Normalean auto bakarra izaten dugu; beraz bat, sarriegitan, batere beharrik gabe erabili ohi dugu. Baina, halabeharrez, bigarren automobila balitz, Aitak beste auto bat erosi du izango litzateke esaldi zuzena, ezta?

Bi milioi zazpiehun mila (2.700.000) euro tokatu zaizkit idaztean, koma jarri beharra al dago milioien eta milakoen artean?

Zein da egokiena: 2 gradu zero azpitik ala 2 gradu zeroz azpitik?

Zuzena al da Hori gezurra esatea bezala da esaldia, ala Hori gezurra esatea bezalakoa da behar luke?

Inoiz, honako esaldi hauen antzekoak aurkitu izan ditugu: Nirekiko, horrek ez dauka ez hankarik ez bururik. Gure zalantza da nirekiko hori nire ustezen baliokidetzat har ote dezakegun.