iruditu1, irudi/iruditu, iruditzen
1 du ad. Aipatzen denaren itxura izan, hura izango balitz bezala azaldu. Ik. irudi izan; eman1 10. Zaharrak izan arren gazteak dirudite. Haren begiek tximistak ziruditen. Mingainez dirudizu gizon guztiz ona. Altubek arrazoi zuela dirudi horretan. 2 zaio ad. Norbaiten ikuspegitik, zerbaitek edo norbaitek halako itxura izan, itxuraz halakoa izan; itxuren arabera uste izan. Ederra iruditzen zait. Arrotz irudituko zaio zenbaiti Olabideren hizkera. Bestela jokatzetik datozen nahasketak barkatzekoak iruditzen zaizkit, osasungarri ez diren arren. Egoki iruditzen zaionean. Gezurra iruditzen bazaizu ere. Hala iruditzen zait niri. Zerbait nahi zuela iruditu zitzaidan. Etxetik kanpo zait iruditzen nonbait naizela galdua. Zer iruditzen zaizu Egan aldizkaria?
3 du ad. Adierazten denaren irudi izan. Ik. irudikatu. Ikurrinak aberria iruditzen du. Begi honetan ikusten zuen irudituta bere alaba maiteen arima ezin hobea. 4 du ad. Irudimenean eratu edo sortu. Ik. irudikatu 2. Irudi ahal litezkeen txarkeria guztiak. Ametsetan ere ezin iruditu zuena.