gazte
1 adj./iz. Gaztaroan dagoena. Neskatxa gazte eder bat. Lau gizon gazte. Alargun gaztea. Jende gaztea. Granadako gazte batek. Zaharrak eta gazteak. Gazte aberats bat. Gazte kontentagaitzenak. Gazte nintzela. Bere seme Salomon oraindik gaztea zela. Gazte talde batek. Bere gazte lagunekin dibertitu. || Bi dama igaro dira gure aurretik putzurako bidean: bata adinekoa, bestea gazte-gaztea. 30 bat pertsona egon ginen bazkari hartan, bi belaunaldi-edo bai; ez ginen gazte-gazteak.
2 adj. (Animaliez eta gauzez mintzatuz). Idisko gazte hezigabea. Zumar gazte, sasoiko eta zaharrak. Urtez goitiko egurrak indar handiagoa du gazteagoak baino.
3 adj. Urte gutxiago edo gutxien duena. (-ago edo -en atzizkia hartzen duela). Gazteagoa banintz. Mikel baino bi urte gazteagoa. Senide gazteago bat jaio zitzaion filosofiari. Etxean Fernando da gazteena.
4 adj. Senideen artean, urte gutxien duena. Gure anaia gaztea.
5 adj. Deitura bera dutenez mintzatuz, gazteena. Plinio gaztea, Plinio zaharraren iloba.
6 adj. Izaki gaztez osatua. Belaunaldi gaztea.
7 adj. Gaztetasunaren ezaugarriak dituena. Bihotz gaztea zuen agure hark. Gorputza gazte mantendu.
8 adb. Gazterik. Gazte hasi zen lanean. Gazte joan ohi zineten apaiz seminariora. Oso gazte joan zitzaigun artista, disko bakarra argitaratuta. Gure ama ere oso gazte ezkondu zen. || Panpinentzako arropatxoak egiten hasi zen gazte-gazte. Ilusio handiarekin debutatu nuen, gazte-gazte, eta gaur izango balitz bezala gogoratzen dut.