Euskaltzaindiaren Hiztegia

forma=gaixo sarrera bakarrean aurkitu da.

gaixo

1 iz./adj. Eria, gaixotasunen bat duena. Gaixo aurkitzen direnak. Gaixo jarri zenean. Gaixo dagoenari ogia ere nekagarri zaio. Ez dio sendagileak utzi nahi gaixo bati ura edaten, epelduta ez bada. || (Gorputzaz edo gorputzeko organoez mintzatuz). Giharretako zelulak erabiliz, bihotz gaixo bat indartzen saiatu dira. On egingo dizu oinez joateak, hezur gaixo horiek pixka bat berotzen hasteko. Baina zerk eman ziezaiokeen gozamena ia hilik zegoen gorputz gaixo hari?

2 adj. Bere zorigaitz edo dohakabetasunagatik errukarri gertatzen dena. Gaixo bekataria (Ipar.): bekatari gaixoa. Gaixo Piarres! A, Kattalin gaixoa! munduko berri oraindik ez dakizu. Langile gaixo edanak beretuak. Hasten da jendea neska gaixo hark zer oker egin duen galdezka. Eri gaixoa. Gure euskara gaixo hau. Nora zoaz, gaixo hori? Ez nekien ongi, gaixo honek, non sartzen nintzen! Gaixoak gu eta gaixoak gure liburuak!

gaixo agiri, gaixo-agiri Sendagileak sinaturiko agiria, gaixo dagoen edo lesioren bat duen pertsona, denbora batez, lanean aritzeko gai ez dela adierazten duena. Gaixo-agiria jasotakoan, lehen egunetik soldataren % 75 ordaintzea proposatu dute sindikatuek. Astean behin eraman behar zuen gaixo agiria lanera.

gaixorik adb. Gaixo, eri. Aspaldi honetan gaixorik dago. Gaixorik ohean geratzea. Gaixorik, hiltzeko arriskuan dagoena.

Oharra: azken eguneraketa 2020-07-08

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper