Euskaltzaindiaren Hiztegia

forma=areago sarrera bakarrean aurkitu da.

areago

1 adb. (Aditz bati dagokiola). (Are) gehiago. Ikaslea ez da irakaslea baino areago. Aberastasunari begira dago beti, garbitasunari baino areago. Betiko lagunak izan balira baino areago batuak. || (Gauza txar edo gaitzesgarriez mintzatuz). Hor ari dira, txakurra eta katua baino areago. Hitzen arloan gertatu zaiguna orobat edo areago gertatu zaigu joskeraren esparruan. Geroago eta areago, bekatutik bekatura goaz. Orduan eta areago eraso zien deabruak, errabiaz jo eta zati-zati egiteraino.

2 adb. (Izenondo edo adizlagun bati dagokiola). Lehen pozik baziren, ordutik aurrera areago: lehen pozik baziren, ordutik aurrera pozago. Elizarako duin baldin bada, beste edozein gauzatarako areago.

3 (Izenondo gisa). Errege honen bekatuak bere aitzinagokoenak baino areagoak ziren. Juda baino areagoa. Aingeruek gizonak baino ezaguera askoz ere handiagoa, areagoa eta errazagoa dute.

4 lok. Ik. are gehiago 2; gehiago dena. Ez omen da bera inolaz ere gonazale horietakoa; areago, neskekin izutia dela esaten dute. || Areago oraindik, irain gehiago jasotzeko, hiriko plazan jartzen zen apropos. Demonioaren eskupean egon naiz, leialtasun guztia honi gordeaz eta, areago dena, berarekin tratabide estua edukiaz.

Oharra: azken eguneraketa 2021-01-14

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper