Euskaltzaindiaren Hiztegia

forma=arau-hauste sarrera bakarrean aurkitu da.

arau1

iz. Jokabidearen ardatz edo gidaritzat hartzen edo ezartzen den zera; zerbait nola egin behar den adierazten duen argibidea. Gizalegearen arauak. Sariketako arauak. Nahitaez bete beharreko araua. Oinarrizko araua. Tresna bat erabiltzeko arauak. Jokabide araua. Gizarte arauak. Euskaltzaindiaren ortografia arauak. Xake-jokoaren arauak. Arauetara jo. Araua hautsi, urratu.

arau hauste, arau-hauste Araua edo legea haustea. Legeak arau-hauste oso larriak, larriak eta arinak bereizten ditu, ingurumenari edo herritarren osasunari egiten zaizkien kalteen arabera.

arauz besteko adj. Batzar Nagusietan aurkezten diren proposamenez eta kidekoez mintzatuz, Batzar Nagusi horiek gai jakin baten inguruan arau izaera izango ez duen adierazpen bat egin dezaten aurkezten dena. Alderdi horrek aurkezturiko arauz besteko proposamenak bi puntu zituen. Batzar Nagusiek iaz onartu zuten autobidearen doakotasunaren aldeko arauz besteko proposamena.

arauz kanpoko 1 adj. Araua betetzen ez duena. Arauz kanpoko janzkeragatik ezarritako zigorra kendu dio FIFAk Kameruni. Arauz kanpoko minutuetan egin zien ihes garaipenak.

2 adj. Legez kontrakoa. Frantziako informazio zerbitzuek egindako galdeketak arauz kanpokoak zirela. Arauz kanpoko kontratuak.

arauzko adj. Arauarekin bat datorrena. Arauzko ezkontza baten seme-alabei legezko deritze, batuketa legezko eta baliodun baten fruituak baitira.

Oharra: azken eguneraketa 2020-07-08

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper