andana
1 iz. Taldea. Oroimenean agertzen zait maite nituen nire lagunen andana. Euskal Herriko hainbat txokotatik hurbildutako lagun andana bildu zen Tolosako plazan. Hegazti andana bat. Mutil batzuk kartetan jokoan, beste andana bat kantu errepikan. Andana handian abiatu ziren. Haien lana presoez arta hartzea zen eta Jainkoak daki bazela andana ederra.
2 iz. Gauzez mintzatuz, pila. Etxe andana gaitza zen elizaren inguruan. Egizu laster, horra diru andana bat. Lurrustela samatsa bezala metatzen dute; orain lur andana bat ezartzen dute, gero gisu andana bat gainean.
3 iz. Ilara, errenkada; saila, segida. Ostatu eta kafe andana bat bazen bat bestearen ondoan. Horra hor soldaduen andana jarria. Hitz andana luzea. Ur hegiko lizar nahiz makal lerdenen andanak. Urte andana horretan ez zuen maiz ikusi. Xinpleegia litzateke ahozko hizketan fonemak eta fonema andanak baino ez ikustea. Andanan joan.