agertu1, ager, agertzen
1 da ad. Ikusgai bihurtu, begi bistan azaldu. Ez da deus estalirik agertuko ez denik. Sugetzar bat agertu zitzaion bidean. Gizon onen aurrean agertzeko bihotzik ez zuen. Ilunpe beltzen artean, haatik, agertu zitzaigun argia.
2 da ad. (Izenondo soil edo adizlagun baten eskuinean). Leial ager zaitez. Jakintsu agertu nahi dutenak. Eragile gisa agertu naizenez gero.
3 da ad. Epaile edo kideko batek deiturik haren aurrean aurkeztu. Epailearen aurrean agertu behar izan zuen.
4 da ad. Berez ikusten ez direnez mintzatuz, ikusteko eran azaldu. Jaunaren aingerua agertu zitzaion. Gesaltzan Ama Birjina agertu baino lehen.
5 du ad. Estalirik edo gorderik zegoena ezagutarazi, argitara edo jendaurrera atera. Ik. erakutsi1. Nahiago baitu bere hutsa estali baino, agertu. Jaunak agertu duen guganako onginahia. Sekula euskalduntzeko gogorik agertu ez duten erdaldunak. Batbederak zer duen gogoan besteri agertzeko. 6 du ad. Gauza abstraktuez mintzatuz, adierazi, aditzera eman. Eginkizunekin agertu behar diozu maite duzula. Tabernariari agertzen dio bere sumina eta haserrea. Ez dute oraindik beren iritzia agertu.
7 du ad. Argitaratu. Gure Herria agerkarian artikulu asko agertu zituen.
8 du ad. erl. Errebelatu. Eta Jainkoak guri agertu digu hori Espirituaren bidez.