Pertsona-izenak

(...)
DECRETO FORAL 253/1993, de 6 de septiembre, sobre la composición y denominaciones de la zonificación “Navarra 2000”
(...)

(...)
Berrotzako udalik iparrekoena da (Lizarrako Merinerrian). Honako herriez osatua da: Acedo (531 m. alt.), Asarta (672 m.), Mendaza (Burua) (639 m.) eta Ubago (625 m.), eta honako baserriez: Estemblo (618 m.) eta Granada (Egakoa), Dukego baten jaunerri eta titulua. 31,8 kilometro koadroko mugapea du, eta Galbarra Lanakoa (N), Ega ibaia bitarte, Antzin (NE), Piedramilllera (E), Sorlada (SE), Mués (S eta SE), Desoio (S), Mirafuentes (SW), Nazar (W) eta Zúñiga (NW) ditu mugakideak. Franko malkarra da, eta mendiek 640 metro iristen dituzte Acedoren iparraldean, 1.111 W aldean Asarta eta Zúñigaren mugan, 738 m. El Robledon, zeinaren azpian Mendaza baitago, eta 791 Ubagoren S aldean. Ega eta Odrón ibaiak kendurik, herri N. eta S. muturretatik gurutzatzen baitute, apenas dagoen Estemblon barrena doan erreka baino larriagoko ubiderik. Klima mediterraniarra, arteak (Mendazako armarriaren irudia) eta txapardiak. Oihanak eremuaren erdiren bat harrapatzen du (1,702 Ha.), artadiak gailen (1.457 ha.); 243 Hako txapardiak badaude. Laborantza lurra 1984ean eremu osoaren % 41,6 ziren (1.400 Ha.), haietatik 1.115 laborea (garagarra, garia, oloa), bazka berdea (162), heltzariak, patata, eguzkilorea, barazkariak eta mahastia. Partzela konzentrazioak, 1967an bukatuak, 443tara murriztu zituen lehengo 3.049 partzelak, 992 Ha.ko azalera batean. Tradiziozko azienda desagerturik, behi, zerri eta hegazti hazlekuak daude. HISTORIA: Santa Colomako ermitaren inguruan, Mendazako etxadiaren gainbegirale, jendegune bat izan zen Burdin Aroan, non eskuz eta tornuz egindako zeramikak aurkitu baitira. Beste bat ere bada herri bereko "La Balsan" (GEN). Administrazioz Berrotzakoa izan zen harik eta XIX. mendean udal eraberritzera arte, orduan harana hainbat udaletan atalkatu baitzen, eta Mendazakoa ere gaur ikusten dugun moduan sortu. Ega ibaiaren ondoan Acedon, Granadako baserria dago, XV. mendeaz geroz noble-jaunerria izana (BCMN, 1918, 163), XVIII. mende bukaeran sei bizilagun zituena, bertako eliza San Migeli eskainia. Granada de Egako dukeen sorburu ea titulua da. Acedoren mugapean, halaber, Estembloko herri hustua dago, baserria eta San Vicente Mártirko eliza, Leríngo konde eta Albako dukeen ondasun izana. Gainerako herriak Erregeren manupekoak ziren. Ubago 1236an, Asarta, Acedo eta Villanueva o Villamera 1238an Erregeren hiri deklaratu zituen Teobaldo II.a erregeak, Nafarroako erregeen ondaretik besterentzea debeku zelarik. Hari ordaindu behar zizkioten petxa hauek: dirua, ogia, ardoa, oloa eta "vaca regis". Alfonso de Robray Nafarroako gonernadoreak 35 libra santxetetara gutxitu zien zergori, iraileko San Migelean pagatzekoak 81325). Mendazako nekazariek Erregeri ordaintzen zizkioten petxak pedro de navarra mariskalari eman zizikioten Juan eta Katalina errege-erreginek (1511). Zenbait ermita egon ziren herriaren mugepan: San Miguel (Granada), San Vicente (Estemblo), Santa Ana, Asartan, El Calvario, San martín, Santa Columba eta Santa Engracia, Mendazan; San Blas eta nuestra Señora de Robledo, Ubagon. 863 bizilagun zituen 1860an; XX. mendean horrela izan da populazio gorabehera: 921 bizilagun (1900); 1.067 (1930), 1.014 (1950), 701 (1970), 530 (1981) eta 433 (1992. Acedo, 162; Asarta, 74; Mendaza, 146; Ubago, 51).
(...)