Pertsona-izenak

EODA - Bilaketa

2084 emaitza *:* bilaketarentzat [91 - 100]

Alantune

  • Ptolomeok Euskal Herrian aipatzen duen herria. Bere kokalekua ezezaguna da orain.

Alazne

  • Milagros (es)

  • Gaztelaniazko Milagrosen baliokidetzat emandako izena Deun-ixendegi euzkotarra lanean. Alatz hitza neologismoa, baina ez zuen S. Aranak asmatu, pertsona-izen edo adjektibo moduan erabili bazuen ere: Alatz Ama Neskutza (Nuestra Señora del Milagro). Osagaiak: ahal eta hatz (adierazlea, latineko signumen kide) eta -ne. Santuaren eguna uztailaren 21a da. Ikus Mirari.

Alba

  • Izen honek bi iturri izan ditzake: latineko alba "zuria" izenondoa eta Europako toponimian bizirik dirauen hitza, "muinoa", "mendia" eta hedaduraz"gaztelua"adierak bide dituena. Baztanen (Nafarroa), esaterako, bada Alba deitzen den mendia. Gainera, erromatarren garaian bazen Alba izeneko hiria, Arabako Lautadan.

Albaina

  • Andre Mariaren ermita, Albaita Trebiñun, Granado zeritzan herriko eliza izan zena. XIII. mendeko eraikuntza erromanikoa da. Inguruetan, Saratxon, badira Erdi Aro goiztiarrean zulatutako hartzuloak. Jaia maiatzaren lehenengo igandean egiten da.

Albane

  • Albana (es), Albane (fr)

  • Gaztelaniazko Albanoren baliokidetzat emandako izena Deun-ixendegi euzkotarra lanean. Erdarazko forma "Alba Longa hirikoa" esanahia zuen Albanus latineko jentiliziotik dator. San Albano Ingalaterrako lehenengo martiria izan zen.

Albeiz

  • Andre Mariaren adbokazioa, Albeizkoa (Araba). Herriko elizan Orrao ermitako irudia gordetzen da. Autore batzuen ustez, Albeiz dateke erromatarren garaiko Alba herria. Aipatutako garai horretako hilarri batzuk daude Andre Mariaren ermitan.

Albertta (Hipokoristikoa)

Albiñe

  • Albina (es)

  • Gaztelaniazko Albinoren emakumezko baliokidetzat emandako izena Deun-ixendegi euzkotarra lanean. Erdarazko forma albinusetik atera da eta hau albus "zuritik". Euskal izen zaharretan honen kidea den Zuria dugu. Ikus Alba.

Albira

  • Elvira (es), Elvire (fr)

  • Nafarroan Erdi Aroan erabiltzen zen Elbira izenaren aldaera arrunta. 1136an Antsoainen (Nafarroa) ageri da, 1235ean Garesen (Nafarroa) eta 1311n Erriberrin (Nafarroa). Ikus Elbira.

Albisu

  • Andre Mariaren ermita, Orozkon (Bizkaia). Bertako semea bide zen 1353an, banderizoen garaiko gerretan, Bilbon bakea sinatu zutenetako bat.

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper