Pertsona-izenak

Erdi Aroko euskal izena, Andrez eta Gotoz osatua. Aurreneko aldiz Lizarran (Nafarroa) aurkitu dugu guk, 1024. urtean. Ikus Andere eta Andrea eta Goto.

Erdi Aroko izena. Andrez eta -kin atzizki hipokoristikoaz osaturik dago; bukaerako -a genero mozioa dateke. Nafarroan 1282an ageri da. Ikus Anderkina.

Erdi Aroko euskal izena. Osagaiak Andre ezaguna eta Leundiaren aldaera irudi duen Lendia dira. Iruñean ageri da, XIII. mendean. Ikus Andere eta Andrea eta Leundia.

Erdi Aroko euskal izena, Andrez eta Lopaz osatua. Ikus Andere eta Andrea eta Lopa.

Erdi Aroko euskal izena. Osagaiak Andre eta Mantzia dira. Artaxoan (Nafarroa) azaltzen da, XII. mendean (Andre Mancia). Ikus Andere eta Andrea eta Mantzia.

Gutxienez XVI. mende arte erabili izan den euskal izena dugu hau. Osagaiak, agerian denez, Andre eta Maria dira. Lehen aldiz Iruñean aurkitu dugu, 1135. urtean (Andre Tota de Let, Andre María su fija) ; beranduago Gautzan (Nafarroa) Andre Maria Goycoa ageri zaigu XIV. mendean eta Donezteben (Nafarroa) Andremaria de Agorreta 1541ean. Horretaz gain, Jesusen amaren ohiko izendapena da. Ikus Andere eta Andrea eta Maria.

• 125. araua: San, santu, done eta besteren erabilera (2003)

Erdi Aroko euskal izena, Andrez eta Onaz osatua. Azken hau antroponimotzat erabili izan den on adjektibo ezaguna besterik ez da. Bazkazanen (Nafarroa Beherean) ageri da 1366 urtean: Andrehona d'Echevarne.

Erdi Aroko euskal izena, Andrez eta Onekaz osatua. Andre Oneca Otazun (Nafarroa) aurkitzen dugu, XIII. mendean. Ikus Andere eta Andrea eta Oneka.

Andres-en aldaera femeninoa dugu hau; Andreua ere ageri da dokumentazioan. Badaiteke, orobat, Andrea honekin lotu behar izatea (Ikus Andreo). Ikus Andres.

Erdi Aroko euskal izena; osagaiak Andre eta Semena dira. Aurreneko aldiz Lazkaon (Gipuzkoa) aurkitzen dugu, XII. mendean (Andre Semena de Lazcaun). Jaunsemeno gizon-izena ere azaltzen da Aritzalan (Nafarroa) 1177an: Jaun Semeno Sanoyç de Ariçala. Ikus Andere eta Andrea eta Semena.