Euskara Batuaren Eskuliburua

errege

errege

Lehen, izen berezi gisa erabiltzen zen —artikulurik gabe, alegia—: Erregek esan du, Erregeren jauregian, Erregeri emateko, etab.; gaur egun, ordea, artikuluarekin, izen arrunt modura: Guztiek behar dugu erregea obeditu. Mazedoniako errege Alexandro Handiaren garaian.

 

Hitz elkartuetan lehen osagai gisa doanean, errege hitza osorik idaztea da ohikoa (marratxoz lotuta edo bereiz): errege(-)aulkia. Errege(-)etxeko atean. ?Erret forma ez da egokitzat jotzen: ez da tradizioduna, eta ez da Euskaltzaindiaren Hiztegian agertzen. Erreal, berriz, egokia da errege-erreginei dagokiena adierazteko. Gure Kontseilu Erreala biltzen da.

 

Errege(-)bide (edo bide erreala) eta errepide, biak dira hitz egokiak: lehendabizikoak antzinako bide zabala izendatzen du; bigarrenak, oraingoak, beribilentzakoak. [EH]

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper