Dena izenik gabe eta guztia, berriz, izenik gabe edo izen baten ondoren agertzen delako ideia zabaldu bada ere, literatura-tradizioan ez da ageri ezberdintasun hori: baliokideak dira. Guztiak etorri dira = Denak etorri dira. Neska-mutil hauek guztiak etorri dira = Nesta-mutil hauek denak etorri dira. Haren ardi guztiak zuriak ziren. / Hildako denei lurra eman.
Aldea egotekotan, denaren aldeko joeran dago leku-denborazko atzizkiekin: Denean da berdin (?guztian). Denetik daukagu gurean (?guztitik). Parisen ere badela denetik (?guztitik). Hogeita bat artzain bildu ziren dene(ta)ra/guztira. [EH]
EUSKALTZAINDIA (1991). Euskal Gramatika. Lehen Urratsak I (EGLU I). Bilbo: Euskaltzaindia (153).
—(1993). Euskal Gramatika Laburra: Perpaus Bakuna. Bilbo: Euskaltzaindia (110-112).
— “Kuantifikazioa adieraztea: dena, guzti”, Jagonet galde-erantzunak.
PETRIRENA, Patxi (2011). Morfosintaxiaren inguruko zalantzak eta argibideak. Gasteiz: Ikasmaterialen Aholku Batzordea (EIMA)-Eusko Jaurlaritza (147).