Euskara Batuaren Eskuliburua

bota aditza

bota aditza

Kalko semantiko desegokiak dira bota aditzarekin eraturiko hauek.

*faltan bota > falta(n) nabaritu/eman/hartu/(hutsa) sumatu, mira izan/egin...

*siesta bota > siesta egin

*parranda bota > parranda(n) ibili/egin

*kargutik bota > kargutik kendu

Egitura-mailako akatsik ere egiten da bota aditzarekin. Honako honek, esate baterako, egitura bihurkaria behar du: *uretara bota zen (> uretara bota zuen bere burua (edo moldez aldatuta: uretara salto/jauzi/murgil egin). ( genitibo bihurkaria: nire/neure; haren/bere; burua (X-ren burua): neure burua, zeure burua, bere burua, beren/euren burua(k))

 

Nolanahi ere, bota egin da eta gisakoek (‘erori’ adieran) badute tradizioa zenbait euskalkitan, eta onargarriak dira, jakina.

 

Gehiago jakiteko

EUSKALTZAINDIA. “Lexikoa: mira egin / falta sumatu / faltan hartu”, Jagonet galde-erantzunak.

— “Aditzaren jokabidea: bota (*uretara bota zen / uretara bota zuen bere burua)”, Jagonet galde-erantzunak.

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper