Zenbait arauk biltzen dute Asiako leku-izenen katalogoa: 162.ak («Anatoliako eta Hego Kaukasoko toponimia»), 164.ak («Ekialde Hurbileko toponimia») eta 171.ak («Asiako toponimia»), hain zuzen ere.  Bestalde, Asiako estatu eta hiriburu guztien izenak 38. arauan daude («Munduko estatu-izenak, herritarren izenak, hizkuntza ofizialak eta hiriburuak»). Izenak kontsultatzeko biderik eroso eta lasterrena Euskaltzaindiaren Euskal Onomastikaren Datutegira (EODA) jotzea da: http://www.euskaltzaindia.eus/onomastika.

Gure alfabetoa erabiltzen ez den hizkuntzen eremuko leku-izen bat bada, latindar alfabetora transkribatzean ohikoa den grafiarekin idaztekoa da euskaraz. Adibidez, Japoniako Hiroshima hiria (japonieraz, 広島市), Txinako Shenzhen hiria (txineraz, 深圳市) edo Afganistango Kandahar hiria (paxtuneraz, کندهار; persieraz, قندهار).