Euskara Batuaren Eskuliburua

aroak: Historiako eta Historiaurreko aroak

aroak: Historiako eta Historiaurreko aroak

Berariazko aparteko araurik ez du eman Euskaltzaindiak historiako eta historiaurreko aroez, ezta geologiako era eta periodoez ere. Nolanahi ere, izen horiek sarri ageri dira Euskaltzaindiaren Hiztegian (eta baita Euskaltzaindiaren zenbait arautan ere). Hezkuntza Saileko EIMAko estilo-liburuan ere adierazita daude (Zientzia eta Teknirakako Euskara Arautzeko Gomendioak, ‘Taula estratigrafikoa’, 173. or.).

Historiako aroak

Historiaurrea

Antzinaroa

Erdi Aroa (Goi Erdi Aroa / Behe Erdi Aroa)

Aro Modernoa

Aro Garaikidea

Historiaurreko aroak

Harri Aroa

Paleolitoa (Goi Paleolitoa, Erdi Paleolitoa, Behe Paleolitoa)

Mesolitoa

Epipaleolitoa

Neolitoa

Eneolitoa

Metal Aroa

Brontze Aroa

Burdin Aroa

 

Bi ohar:

1. Izen guztiek -a artikulua daramate. Beraz, izen arruntek bezala hartzen dituzte kasu-markak, eta artikulua galdu egiten dute: Historiaurretik Erdi Arora (*Historiaurreatik Erdi Aroara); Neolitoa, baina Neolitoko (*Neolitoako); Burdin Arotik Metal Arora (*Burdin Aroatik Metal Aroara)... ( izen berezi artikuludunak eta a itsatsidunak)

2. Izenak dira Mesolitoa, Neolitoa eta gainerakoak. Horien adjektiboak dira mesolitikoa, neolitikoa eta antzekoak. Hartara, baliokideak dira, adibidez, Neolitoa eta Aro neolitikoa; baina ez Neolitoa (iz.) eta neolitikoa (adj.) Adibideak: Neolitoan (Neolitikoan) gertatu zen hori. Aztarna neolitikoek agerian uzten dutenez, antzinatik bizi izan da hor jendea.

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper