Kasu instrumentalean (ZEREZ kasuan), pluraleko atzizkia -Z da, ez -TAZ: *arazoetaz (> arazoez); *Amaiataz (> Amaiaz); *Unaietaz (> Unaiz); *hainbat gauzataz (> hainbat gauzaz); *hori egin dutenetaz ari dira (> dutenez)... Orobat, batzuk zenbatzailearen plurala ez da *batzuetaz, batzuez baizik. (→ batzuk)

Honako hauetan, ordea, zilegi da, eta gehienetan nahitaezko, -taz kasu-marka:

• Pertsona-izenordainetan: nitaz, hitaz, gutaz... (*niz, *hiz,*guz...). (→ pertsona-izenordain arruntak / pertsona-izenordain indartuak)
• Erakusleetan: honetaz, horretaz, hartaz, hauetaz... (baina -z soila ere litekeena da: honez, horrez, harez...). (→ erakusleak)
• Izenordain mugagabe batzuetan aukera bakar gisa edo ez: ezertaz, edozertaz...; zerbaitetaz/zerbaitez, deusetaz/deusez...
• Galdetzaileetan, aukera bakar gisa edo ez: nortaz, zertaz/zerez, zein(e)taz/zeinez...

Galdetzailea zein(e)taz da, baina zein izenordain erlatibo gisa erabiltzen denean (zein, zeinek, zeini...), instrumentaleko forma zeinez da. (→ ZEIN-erlatiboa)