Euskal hitz askoren osaeran ageri da tx digrama: txakur, txalo, txakolin, txepetx, txintxarri, txitxarro, txotx, kutxa...
Kontsonante palatala den aldetik, hitzei balio adierazkorra emateko ere erabiltzen da. Adierazkortasuna adierazten du tx kontsonanteak honako hitz hauetan: beltx, motx, otxan, txintxo, txorakeria, txoro, (t)xorrotx, (t)xotx... [EH]. Balio adierazkorra hiztunaren egoeraren, sentimenduaren, ñabarduraren, balioespenaren... ukitua adierazten duen arrasto lexiko-semantikoa da.