KALKO DESEGOKIA. Soziatibozko (-ekin) esapide desegokiak egiten dira sarri gaztelaniaren eta frantsesaren interferentziaz edo (‘acabar con...’, ‘en finir avec...’).

*Arrazakeriarekin amaitu/bukatu behar da (> Arrazakeria baztertu egin behar da).

*Aktibitate horrekin amaitzean/bukatzean... (> Aktibitate hori amaitzean...).

*Afariarekin amaitu/bukatu zuen (> Afaria bukatu zuen. Afaltzen, dena jan zuen).

*Gai horrekin amaitzeko/bukatzeko... (> Gaia amaitzeko... Gaiari amaiera emateko...). (→ -ekin soziatiboa eta zenbait muga-arazo)

KONPLEMENTAZIOA. Bukatu eta amaitu aditzek, tradizioan, erregimen bat baino gehiago onartzen dute aditz-izenarekin. Amak bukatu zuenean garbitzez, hartu zuen palankana...; Esatez bukatu baino lehen; Jaten bukatu arte; Arrautza jatez/jatea bukaturik.

AMAITU eta ZENBAKIAK (edota bukatu, hasi). Instrumental mugagabea (-z), soziatibo (-ekin) mugatu zein mugagabea eta inesibo singularra (-an) balia daitezke zenbakiekin. 7.750 zenbakia zeroz/zero(a)rekin/zeroan amaitzen/bukatzen/hasten da.