Du/da erregimenak onartzen ditu; berdin dio bata zein bestea erabili. Lanean jardun du egun osoa. Pilotan jardun dugu. Gure aurrekoak aizkoran oso pozik jardun ohi ziren. Entzutekoak ziren trikitilariak, egun guztia(n) jotzen jardun ziren biak.

Adizki trinkoak ere baditu, baina du sailekoak bakarrik dira orduan (da saileko aritu aditzaren parekoak direnak): dihardut (= ari naiz), niharduen (= ari nintzen), euria dihardu (= ari du)... (→ eranskinak / aditz trinkoak)

Jardun (ihardun) forma da batasunerakoa. Ondorioz, beste hauek ere j- forma dute, ez ih-: jarduera, jardunean, jarduneko, jardunaldi, jardunarazi, jardunbide, jardungai, jardute... [EH] (→ ari izan ≠ egon)