Izaera administratiboa duten Euskal Herriko leku-izenei buruz, honako arau hauek eman ditu orain arte Euskaltzaindiak: 45. araua («Gure egitura politiko batzuen euskal izenez», 1995); 57. araua («Euskal herrialdeen, herritarren eta euskalkien izenak», 1996); 92. eta 99. arauak («Zuberoako izendegia», 1998 eta 1999); 108. araua («Lapurdiko izendegia», 2000); 122., 128. eta 133. arauak («Nafarroa Behereko izendegia I, II eta III», 2001-2002, 2003, 2003); 139. araua («Euskal Herria izena», 2004); 140. araua («Gipuzkoako izendegia», 2004); 145. araua («Bizkaiko izendegia», 2005); 150. araua («Arabako izendegia», 2006); 155. araua («Nafarroako izendegia», 2007-2009); 166. araua («Euskal Herriko ibaiak», 2014).

Ondorioz, horietan jasotzen diren leku-izenek (udal-, eskualde-, probintzia- eta ibai-izenek) arau-maila dute. Gainerako izenen moldeak —auzo, mendi, erreka, kontzeju, etxalde, ibar, elizate eta gisakoenak— gomendioak dira (Onomastika batzordeak emandako gomendioak). Denak, Euskal Onomastikaren Datutegian (EODA) kontsultatu daitezke: http://www.euskaltzaindia.eus/onomastika.