hainbat ≠ zenbait

hainbat ≠ zenbait

Ez dira sinonimoak. Alderatu behar izanez gero, honela dira: hainbat = asko, hainbeste; eta zenbait = batzuk. [EH]

 

Beste zenbatzaile zehaztugabe ezagun batzuekin erkatuz gero, honela da gradazioa, askotik gutxira: asko/anitz (= makina bat, franko, ugari) → hainbatzenbait / batzuk / gutxi batzuk / bat baino gehiagogutxi.

 

Kasu-markak eranstean, batari zein besteari dagokion izena mugagabean jarri behar da: *Zenbait kideen iritzia (> Zenbait kideren iritzia). Hala ere, mugagabe horrek badu salbuespenik: nolakotasuna (hainbat adierako hitza, hainbat kilometroko auto-ilara) 34. arauaeta iraupena (hainbat urtean bizi izan nintzen Londresen) 110. arauaadierazten direnean. ( zenbatzaileak eta nolakotasuna (-ko/-tako: hiru kiloko haurra / lau hankako mahaia); zenbatzaileak eta iraupena (hiru astean / hiru astetan))

 

Komunztadura singularrean nahiz pluralean egin dezakete: Zenbait/Hainbat emakumek hala ulertzen du/dute hori. ( zenbatzaileak eta komunztadura)

 

Gehiago jakiteko

MUJIKA, Alfontso (2013). "Hainbat ez dira batzuk", 31 eskutik.

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper