Leku-izenak

(...)
KOKAP.: Aizkorriren ifar-mendebaldeko maldan dago, Ubaran errekaren aldera. // OHAR.: Ikus daitekeenez, toponimo honen aipamen guztiak dokumentu bakar batean aurkitu ditugu. Hemen jasotako lehenengo bitan ez dago garbi lehen letra Y- edo T- den, baina informatzaileek esandako toponimo bera delakoan gaude. Ez dakigu, bestalde, aipatzen diren Tricuta Achular eta Tricuta Belavi malda honetan ote dauden, Atxular Aizkorriren pareko mendia eta Belabi Goiburu auzokoa baita. Kontutan izanik aipatu bi mendi hauen maldetan eta Trikuta deiturikoan herriarenak ziren/diren lursailak daudela eta dokumentu horretan jasotako best aipamena –Yricutaco-malda–, jatorrizko izena Trikuta ez, baizik eta *(H)irikoeta dela pentsa daiteke, hau da, hori horrela balitz jatorrian ez litzateke toponimoa izango, lurrak herriarenak edo hirikoenak zirela adierazteko erabiltzen zen hitza baizik. Horrek azalduko luke, lur horien kokapena zehazteko, aipatu izenaren ondoan mendiarena ere agertzea (ikus ARMAZELAI, oharrak). // Trikuetako Malda-n barrena doa Aizkorri eta Usabelartzara iristen den basabidea. Malda pinuz josita dago eta hauen artetik jaisten dire Ubaran errekarantz doazen errekatxo eta iturri ugari. Hauetako bat da, hain zuzen, zenbait informatzailek Trikuetako Erreka izenaz ezagutzen duena. Beste zenbaitek, ordea, Eginagusiko Erreka esaten dio (ikus EGINAGUSI, oharrak eta sarrerako 24. orrialdea). Erreka honek Artolaborda baserriaren aurrien ondoan isurtzen du ura Ubaran errekara.
(...)