Euskaltzaindiak ez du horretaz berariazko araurik eman. Bai tradizioan, bai gaur egun, bi moldeak ageri dira: <-z azpitik> eta <Ø azpitik> (eta baita <-(r)en azpitik> ere). Azken urteotan, bigarren moldea erabiltzen da gehiago (zero azpitik, 20 urte azpitik), zeropetik ahaztu gabe.

Bestalde, Orotariko Euskal Hiztegian [OEH:azpiko], badaude <urtez + azpiko> egiturari dagozkion adibideak ere: hogei urtez azpikoentzako, bi urtez azpiko oilorik ez da txitan ezartzen, 17 urtez azpiko bizpahiru mutiko...

Badira bestelako egitura zuzen batzuk ere: 10 urte baino gutxiagoko umeak, 10 urtera arteko umeak.