Bildu aditzarekin, erabil al daiteke bilduta daude egitura, jendea bilera batean dagoela adierazteko? Pertsonak bilduta egon daitezke?

Zein da ondorengo hauen artean formarik egokiena: ezin dut hori egin / ezin dezaket hori egin / ez dezaket hori egin; ezin diot ulertu / ezin diezaioket ulertu / ez diezaioket ulertu?

Izenez osatzen diren aditz-lokuzioetan (hitz egin, barre egin...) zein erabili behar dugu, -arazi ala eragin? Noiz bata eta noiz bestea?

Zein da egokiagoa, jakin dakit ala jakin badakit?

Nahiago erabiliz gero, nahi aditza bezala erabili behar omen da. Erabilpen arrunta, ordea, bestelakoa da. Izan ere, hau bezalako perpausak esan ohi ditugu: bihar nahiago dut joan. Adibide horrek ez dit eragiten zalantzarik, araua betetzen baita; nire zalantza ezezko perpausak egitean sortzen da. Esate baterako, zuzena al da nahiago dut ez egin (baiezko perpausa)? Ala ez dut egin nahiago (ezezko perpausa) esan behar da?

Zuzena al da iritziz aldatu NAIZ esatea?

Subjuntiboa nola egiten da eskatu aditzarekin: eskatu diote etor dadila ala eskatu diote etor dadin? Eta proposatu, gomendatu eta aholkatu aditzekin?

Aditzok Nor (da) ala Nor-Nork (du) dira? Eboluzionatu dut/naiz? Existitzen dut/naiz?

Zein da zuzena: ni futbolean entrenatzen naiz ala nik futbolean entrenatzen dut?

Euskaltzaindiaren Hiztegian ageri denez, entzun aditza du sailekoa da. Hortaz, nik Urliari entzun diot kontu hori egitura okerra da?