Zein da zuzena: Gaixotasunaren diagnostikoa garaiz egitea komenigarria dela irizten diote ala Gaixotasunaren diagnostikoaRI garaiz egitea komenigarria dela irizten diote?

Zein forma hartzen dute eragin eta arazi aditzek: Nor-Nork (du aditza) ala Nor-Nori-Nork (dio aditza)? Noiz bata eta noiz bestea? Arau bera erabiltzen da bientzat?

Erabilera zuzena zein da?: Etortzen ahal naiz, etorri ahal naiz, etorri ahal liteke…

Bestalde, jokatu ahal dut = jokatzen ahal dut. Horrako ahal biak ontzat ematen ote dira?

Joan ahal naiz/dut - ez naiz/dut joaten ahal, ezin naiz/dut joan. Ez dut eraman ahal- ezin eraman dezaket/ezin dut eraman. Horrako ezin horrek beti laguntzaile trantsitiboa eskatzen al du?

Ba ote dago ñabardurarik egin dezake eta egin/egiten ahal duren artean? Ala berdin-berdin erabil ditzakegu?

Etorri behar izan zer da: naiz ala dut?

Ez dugu oso garbi ikusten zergatik onartzen den deitu didate, deitu nauteren ordez.

Inpertsonalaren erabilera egokia al da honako hau: esaten da, ikusten da…? Irauli, bestalde, hiztegietan du agertzen da; baina zergatik Txalupa irauli egin zen?

Joan berri naiz ala joan berri dut?

Merezi izan aditza dela eta, ontzat ematen ditut honelakoak: Mikelek saria merezi du. Sanferminetara joatea merezi du. Donostiako Parte Zaharrera joatea merezi du.

Baina beste perpaus hau (Euskaltzaindiaren 31. arauan esaten denaren kontra doana) ontzat eman al daiteke?: Arestian aipatutakoak (hau da), Donostiako Parte Zaharrera joateak, merezi du.

Zuzena al da iritziz aldatu NAIZ esatea?

Aditzok Nor (da) ala Nor-Nork (du) dira? Eboluzionatu dut/naiz? Existitzen dut/naiz?