35. arauan irakurri dut bost eta erdiak idatzi behar dela. Hala ere, zuzena al da bost’ erdiak edo bost t’erdiak erabiltzea?

Latinezko esapideak deklina al daitezke euskaraz? Eta deklinatzekotan, zein da idazkera zuzena: komatxoak, marratxoa...? Adibidez:

Lantegi gehienetan "curriculum vitae" eskatzen dute.

Almeriaraino joan ondoren, senideei "vis a vis"-a galarazi diete.

"Modus vivendi" eskasa dago hor.

Egiteko modu "sui generis" bat erabiltzen du Mikelek.

Gutunaren azken aldean "nota bene" bat ezarri zidan.

Egun on, guztioi /Egun on guztioi. Esapide horretan koma jarri behar al da?

Egokia al da harridura-marka bat baino gehiago jartzea?: Bai neska polita! / Bai neska polita!!!

Hona hemen zenbait zalantza:

a) Erdia adierazteko, bi modu aipatzen dira oro har, sei t´erdiak (Hegoaldean), seiak eta erdiak (Iparraldean). Laburpenean, ostera, Hegoaldeko forma baino ez da ageri.

b) Ordu bat eta erdiak ala ordu bat eta erdia?

c) Orduen adibideetan ez dira agertzen honelako kasuak: 13,45tan (?).

d) Nola idatzi: 12.10 ala 12:10?

Abanto y Ciérvana euskaraz idaztean zehar-marra (/) jarri behar dugu?