Jagonet

Nola da "lege gordailu" hitzen laburtzapena: puntuekin (L.G.) ala punturik gabe (LG)?

- Eusko Jaurlaritzak argitaratutako Laburtzapenen hiztegia. Ikurrak, laburdurak, siglak liburuan "L.G." ageri da, laburtzapenaren trataerarekin, nahiz nik siglatzat joko nukeen (eta, horrenbestez, punturik gabe idatziko).

- RAEk ere laburtzapentzat jotzen du gaztelaniazko "D.L." eta, ondorioz, puntuak jartzen dizkio.

Nire zalantzak horren inguruan:

- Ez bada "L.G." siglatzat jotzen, zergatik, horren jatorrizko esapidea osatzen duten bi hitzen lehen hizkiarekin osatzen bada?

- Bide beretik, zergatik ez da modu berean idazten, puntuekin, "PK" (posta-kodea), gorago aipatutako hiztegi horretan berean?

- Laburtzapenen trataera orokorrak lehen hizkia letra larriz eta gainerakoak xehez idazteko eskatzen du. Hortaz, "L.G." laburtzapena bada, zergatik ez da molde horren arabera idazten?

Zein dira asteko egunen laburdurak (asteartearena bereziki)?

Eta abar esapidearen aurretik koma jarri behar al da? Ohartu naiz Euskaltzaindiaren Hiztegiko adibideetan, kasurako, ez dela agertzen.

Idatzizko lan akademiko batean, obra kolektibo bat erreferentzia bibliografikoan aipatu behar denean, zein izanen litzateke gaztelaniazko “AA. VV.” (Autores Varios) siglen ordaina euskaraz?

Esate baterako:

“AA. VV.”: El libro blanco del euskera. Euskaltzaindia, Bilbao, 1977, págs. 77 y ss.

Nola idatz daiteke honako hau euskaraz: VºBº (‘visto bueno’)?

Nola da "sozietate anonimoa" adierazpenaren laburtzapena: puntuekin (S.A.) ala punturik gabe (SA)?

Euskaltzaindiaren Hiztegian, besteak beste, bi laburdura hauek ageri dira: etc. eta etab. Zer esan nahi du horrek: horien ordezko e.a. baino egokiagotzat jotzen direla? Zein eta nola erabili behar dugu?

Bestalde, eta abar esapideari kasu-markak erantsi nahi dizkiogunean (eta abarri, eta abarrentzat, eta abarretara...) laburdurak erabil daitezke?