Euskaltzaindiak, euskara batuan zein hitzek zuten <h> letra erabakitzean (1979), zenbait irizpide erabili zituen. Horietako baten arabera, oinarrizko hitzak berezkoa zuen <h> letra gorde egingo zen hitz eratorri eta elkartuetan, baldin hura garbi antzematen bazen: behar > behartu, behartsu, beharrezko...; harri > harritu, harrigarri, harrika... Baina <h>ren zantzua garbia ez zenean, hura gabe idaztea erabaki zen (nahiz etimologikoki egokitu); horien artean dago ilargi (eta beste hauek: aizkora, aitzur, aizto, atzapar, alegia, azaro, etab.). (“H” letraren ortografi arauak erabakia, 1979) (Euskera aldizkaria (XXIV, 1979, 659.-695. or.).