Laster (ez laister) izenondoa beste izenondo batzuk (azkar, arin...) baino egokiagoa gerta daiteke, zenbaitetan, anbiguotasuna saihesteko. Izan ere, janari lasterra, bide lasterra, tren lasterra, txakur lasterra eta gisakoak adiera bakarrekotzat hartzen ditugu ia euskaldun guztiok. Ez da hala gertatzen —bitariko adieren arriskuagatik— beste izenondo hauekin: janari arina (janari astunaren kontrako janaria dela ulertzeko arriskua dago), bide arina (nekagarria ez den bidea ote?), txakur azkarra (buru-argia?, indartsua?)... Horrexegatik da, halakoetan, egokiagoa laster. [EH]
SARASOLA, Ibon (1997). Euskara batuaren ajeak. Irun: Alberdania (39-40).