Tradizioko joera nagusia izan ere kausazko lokailua bera bakarrik agertzea da: Etsi beharko duzu; izan ere, beti izan da hori horrela.
Bait- partikulaz lagundurik ere eman izan da, gutxiagotan: Barne kezkatua, gauza gogorren beldur da beti; izan ere, beldurra laguntza-uste ustela besterik ez baita.
Gaur egungo estilo-liburuek izan ere bakarrik erabiltzea gomendatzen dute. Puntuazioaren aldetik, gutxienez puntu eta koma jartzen da bi perpausen arteko mugan (puntua ere ez dago desegoki).
EUSKALTZAINDIA (1990). Euskal Gramatika. Lehen Urratsak III (EGLU III). Bilbo: Euskaltzaindia (192-195).
PETRIRENA, Patxi (2011). Morfosintaxiaren inguruko zalantzak eta argibideak. Gasteiz: Ikasmaterialen Aholku Batzordea (EIMA)-Eusko Jaurlaritza (25-26).
EHUko Euskara Zerbitzua (2013). "Izan ere", Ehulkuren aholku guztiak.